Gildin sem móta Plié – meira en dans!

Í Plié listdansskóla byggjum við upp námsumhverfi þar sem gleði, virðing og kærleikur eru hjartað í öllu sem við gerum. Við trúum því að þegar gleðin fær að blómstra í kennslustundum verður námið dýrmæt upplifun sem skilar sér langt út fyrir danssalinn.

Virðing er lykilstoð í skólastarfinu – bæði milli kennara og nemenda og meðal dansfélaga. Með gagnkvæmri virðingu skapast traust, og traust gefur öllum tækifæri til að vaxa, þroskast og blómstra.

Við leggjum áherslu á hvatningu sem nærir sjálfstraust og trú á eigin getu. Kennarar Plié eru meðvituð fyrirmynd sem velja orð sín af alúð – því við vitum að jákvætt orðaval skapar jákvæða líkamsímynd. Í okkar augum á hverjum einasta nemanda að geta liðið vel í eigin skinni, óháð útliti eða getu.

Árangur mælist ekki aðeins í stóru skrefunum heldur líka í þeim litlu – persónulegir sigrar hvers og eins eru metnir að verðleikum. Við fögnum framförum jafnt sem stöðugri viðleitni, því hvert dansspor skiptir máli.

Í Plié ríkir kærleikur – hlý og stuðningsrík nálgun sem gerir dansinn að öruggu rými þar sem nemendur fá að njóta sín, prófa sig áfram og vaxa í krafti samkenndar og samstöðu.